سی تو کمه

سی تو کمه

سی تو اَیَر نفس کشم ،اکسیژن هوا کمه

دنیانِه سیت اَیَر بخوام، تی نا خودِ دنیا کمه

هر غزلی که سی تونه،تکراریه و تازه نی

عیب مو نی اینه بدون،که حرف وُ واژه ها کمه

پاک بیدمه به ویر تو،اما که راهِ چاره نی

هر شعر مو به نومِ تو، بی اجر وُ بی بها کمه

تا  ئی غزلای مو بان، وصفِ تیای ناز تو

یه چی مِثِ بویِ گُلِ ،یاس وُ اقاقیا  کمه

گاهی تونِه کنار خوم چی سایه احساس کِردِمَه

اما چنه دلِ خوشی مینِ دلای ما کمه

هر غزلی که سیت خونم، بوی تنِ تونِه داره

اما هنیم که گیر اِدی، ایی عشق سی جفتِ ما کمه

  ناصر- دیماه /93