جنگ چوو

جنگِ چو

جمع وا بیدن ،یلون ِ بختیار

بیش علی،ستار و عاموم هوشیار

بیشتر ِ ایل  اووِ دِن  وُر مین مال

جشن عاروسی ِ شیرزاد وا غزال

ساز و سرنا و دُهُل غوغا اِ کرد

کُل خلایق، اِ زصِداش ،شیدا اِ کِرد

رقص ِ چوپی بید و لرزون و سه پا

دست اِشوندِ ن ، پا اِ کوفتِن خاله ها

شون به شون ِ هم اِ چرخیدن یَلون

دودرا وا کُر یَل و پیر و جَوون

هر طرف نیز سور و ساتی بید به پا

اُ طرف تر چنگِ چوو بید و دو پا

هو یَکی وُر مین ِ دستش ترکه بید

اُ دگر گویی که دستش نیزه بید

سمبلی اِز نیزه و شمشیر بید

جنگِ میدان بین دو تا شیر بید

جنگِ چوو رسم لُرون سر خوشه

عاروسی با جنگِ چوو خیلی خوشه

جنگِ چوو تمرینیه سی کارسون

وقت ِ تنگ، گره گُشه از بارسون

جنگِ چوو گاه رزم و گاهی خنده یه

شادی و شور بین هر بیننده یه

چوووا ترکه هی اِ چرخه بین و اِ ز رفتارسون

جنگِ چوو جنگه، ولی آزار نَوینه یارسون

همه شاد و خرمند ، هم مین ایل ، هم زیر کو(کوه)

تق و تق سر پُر و برنو بید وپنج تیر نو

جشن جشن شا دیه ،کِل اِزِنن،ناناش کُنِن

عاروسی یِه بختیاری یَه همه شاواش کُنِن

 ناصر- مرداد 92